गैर आवासीय नेपाली संघको १० औं यूरोपियन क्षेत्रीय बैठक सम्पन्न ।

गैर आवासीय नेपाली संघको १० औं यूरोपियन क्षेत्रीय बैठक तथा ८ औं यूरोपियन क्षेत्रीय महिला सम्मेलन जर्मनीमा सम्पन्न भएको छ । सम्मेलन जुलाई २८ देखि ३१ सम्म फ्र्यांकफर्टमा चलेको थियो ।
बैठकमा जर्मनीका लागि नेपाली राजदूत रमेश प्रसाद खनाल, गैरआवासीय नेपाली संघका अध्यक्ष डा. शेष घले, संस्थापक अध्यक्ष डा. उपेन्ऽ महतो, र प्रमुख संरक्षक जीवा लामिछाने सहभागि हुनुहुन्थ्यो । यसैगरि नेपाल सरकार परराष्ट्र मन्त्रालयका सहसचिव तीर्थराज वाग्ले, परराष्ट्र मन्त्रालयमा एनआरएन डेस्क हेर्नुहुने उपसचिव डा. डमरुबल्लभ पौडेल तथा अर्थ मन्त्रालयका अधिकृत भीमकान्त न्यौपाने, गैरआवासीय नेपाली संघका संस्थापक सदस्य रामप्रताप थापा, संरक्षक दिल गुरुंग लगायतका संघका पदाधिकारी एवं २७ देशबाट प्रतितिधित्व गर्नु हुने करिब साढे चारसय गैरआवासीय नेपाली प्रतिनिधिहरुको उपस्थित थिए । सम्मेलनमा गैर आवासीय नेपाली संघ फिनल्याण्डबाट आई सी सी सदस्य बालकृष्ण श्रेष्ठ, महिला संयोजक ममता थकाली, सदस्य गोपाल अर्याल , सन्तोस पन्त साथै महिला फोरमकी सदस्य रेणु अर्याल र बिष्णु तिम्सिना सहभागी हुनु भएको थियो । प्रेस बक्तब्य मार्फत विभिन्न १५ बुँदे निर्णयहरु सार्वजनिक गर्दै बैठक समापन भएको छ ।
प्रेस बक्तब्य मार्फत सार्वजनिक निर्णयहरु निम्न छन् ।

१) लामो समयदेखि संक्रमणकालबाट गुज्रिरहेको नेपालमा नयाा संविधानको पूर्ण कार्यान्वयन र समृद्ध नेपालको निर्माणका लागि आर्थिक विकासलाई गति दिन नेपालका प्रमुख राजनीतिक दलहरुका बीचमा सहमति र सहकार्य गर्न यो बैठक अनुरोध गर्दछ ।

२) नेपालको संविधानमा उल्लेख भएअनुसार गैरआवासीय नेपाली नागरिकताको मर्म र भावना अनुरुप गैरआवासीय नेपाली संघसंगको निकट सहकार्यमा यथाशिघ्र गैरआवासीय नेपाली संबन्धी ऐन बनाइ गैरआवासीय नेपाली नागरिकता वितरण गर्ने काम शुरु गर्न नेपाल सरकार तथा अन्य संबद्ध निकायहरुलाई अनुरोध गर्दछ।

३) विगतमा जस्तै युरोपस्थित गैरआवासीय नेपाली उद्यमीहरुले नेपालमा सामूहिक लगानी अगाडि बढाउन देखाएको तत्परताको सम्मान गर्दै अन्तर्रा्ष्टि्रय समन्वय परिषदलाई त्यसकालागि आवश्यक पहल गर्न अनुरोध गर्दछ।

४) गैरआवासीय नेपाली संघद्वारा संचालित लाप्राक नमुना वस्ती लगायत एनआरएन भवन, शंखमूल पार्क, एक एनसिसि एक परियोजना लगायतमा तन, मन, धनले सहयोग गर्नुहुने सबै गैरआवासीय मित्रहरुलाई हार्दिक धन्यवाद दिंदै थप आवश्यक सहयोग गर्न पनि यो बैठक प्रतिबद्धता व्यक्त गर्दछ।

५) गैरआवासीय नेपालीहरुको सकृयतामा नेपालका विभिन्न विद्यालयहरुमा ‘विद्युतीय पुस्तकालय’ स्थापना भैरहेको सन्दर्भमा ती पुस्तकालयहरुलाई व्यवस्थित गर्दै गैरआवासीय नेपाली संघको मातहतमा आफुले पढेको विद्यालयमा विद्युतीय पुस्तकालय स्थापना गर्न सबै गैरआवासीय नेपालीहरुलाई यो बैठक आह्वान गर्दछ।

६) भिजिट नेपाल युरोप अभियान २०१७ तथा अतिथि देवो भव: अभियानलाई सफल बनाउादै युरोप क्षेत्रबाट अत्यधिक मात्रामा पर्यटकहरु नेपाल भित्र्याउन युरोपस्थित नेपाली दूतावासहरु तथा नेपाल पर्यटन बोर्डका मानार्थ जनप्रतिनिधिहरुसंग समन्वय गर्दै नेपाल सरकारले आह्वान गरेको ँभिजिट नेपाल इयर २०१८” लाई सफल बनाउन युरोपस्थित सबै एनसिसिहरुलाई अनुरोध गर्दछ।

७) यस बैठकका प्रायोजकहरुबाट प्राप्त रकम संघको केन्ऽीय कार्यालय भवन निर्माण कोषमा हस्तान्तरण गर्ने निर्णयको स्वागत गर्दै यो बैठक सबै प्रायोजकहरुप्रति धन्यवाद व्यक्त गर्दछ ।

८) गैरआवासीय नेपाली संघको विधानलाई अरु विस्तृत र प्रभावकारी बनाउन बैठकमा प्राप्त सुझावहरुलाई अन्तर्रा्ष्टि्रय समन्वय परिषदमा पठाउने यो बैठक निर्णय गर्दछ ।

९) गैरआवासीय नेपाली संघ महिला फोरमले परोपकारी क्षेत्रमा उल्लेख्य कार्य गरेकोमा सिंगो महिला फोरमलाई धन्यवाद ज्ञापन गर्दै सिंगो गैरआवासीय नेपाली अभियानमा महिलाहरुको सहभागिता बढाउने अभिप्रायले हरेक राष्ट्रिय परिषदमा यथासम्भव ३३ प्रतिशत महिला सहभागिताको सुनिश्चितता गराउन आग्रह गर्दै यस क्षेत्रका यूवा तथा महिलाहरुको उद्यमशिलता विकास तथा लगानी अभिवृद्धिका लागि आवश्यक सहयोग गर्ने पनि यो बैठक निर्णय गर्दछ । एक युरो परियोजनालाई सबै एनसिसीहरुमा विस्तार गरी सो अभियानमा पुरुष सदस्यहरुको सहभागिता बढाउन पनि यो बैठक अनुरोध गर्दछ

१०) प्रवासमा नेपाली बालबालिकाहरुका निम्ति नेपाली भाषा, लिपि, संस्कार, संस्कृति सिकाउन भिडियो कार्टुन, ट्याबलेट गेम तथा प्रवास सापेक्ष पाठ्यसामग्री निर्माण गर्न पहल गर्न अन्तर्रा्ष्टि्रय समन्वय परिषदलाई यो बैठक अनुरोध गर्दछ।

११) अन्तर्रा्ष्टि्रय मान्यता अनुसार कुनै पेशा, व्यवसाय वा अध्ययनको सिलसिलामा १८२ दिन भन्दा बढी सार्क मुलुक बाहिर बस्ने विद्यार्थी तथा वैदशिक रोजगारीमा जाने नेपालीहरुलाई पनि गैरआवासीय नेपालीको परिभाषाभित्र समेट्न अन्तर्रा्ष्टि्रय समन्वय परिषदलाई आवश्यक पहल गर्न यो बैठक अनुरोध गर्दछ।

१२) युरोप क्षेत्रको एघारौं बैठक लक्जेम्वर्गमा गर्ने निर्णय गर्दछ । स्पेनमा नेपाली दूतावास स्थापना गरिएकोमा नेपाल सरकारलाई धन्यवाद दिंदै पोर्चुगलमा नयाा दूतावास खोल्न पहल गर्न पनि यो बैठक अनुरोध गर्दछ।

१३) साइप्रस निवासी ब्लड क्यान्सरबाट पीडित ५ वर्षीय छोरा सन्चल साहको उपचारकालागि झण्डै बीस हजार यूरो सहयोग गर्ने यो बैठकका सहभागीहरुलाई धन्यवाद ज्ञापन गर्दछ।
१४) स्पेनमा बस्ने नेपालीहरुको समस्याको समाधानकालागि सम्पत्ती मूल्यांकन प्रमाणपत्रमा परराष्ट्र मन्त्रालयको छाप लगाउने व्यवस्थाकालागि पहल गर्न यो बैठक अन्तर्रा्ष्टि्रय समन्वय परिषदलाई अनुरोध गर्दछ।

१५) यो बैठक सफलतापूर्वक सम्पन्न गर्न सघाउनुहुने एनसीसी जर्मनी, प्रायोजकहरु, स्वयमसेवी, पत्रकार, कलाकार लगायत सबै पक्षलाई यो बैठक हार्दिक धन्यवाद ज्ञापन गर्दछ ।

परोपकार परियोजनाका लागि प्रस्ताव आह्वान

गैरआवसिय नेपाली संघ फिनल्याण्डको एक प्रमुख कार्ययोजना परोपकार परियोजनाको सञ्चालन गर्नु हो । हरेक कार्यकालहरुमा एक नयाँ कार्ययोजना छनौट भई सम्पन्न समेत भईरहेका छन् । सन् २००९–२०११ को कार्यकालमा हामिले पूर्वी नेपालको मोरङ्ग जिल्लाको रणपाल निम्नमाध्यमिक विद्यालयमा पुस्तकालय निर्माण सम्पन्न गर्‍यौं । त्यसैगरि सन् २०११–२०१३ को कार्यकालमा फुङलिङस्थीत अपाङ्ग बालगृहका आसहाय बालबालिकाहरुका लागि रोजगारमूलका तालिम कार्यक्रम सञ्चालन गर्‍यौं भने सन् २०१३–२०१५ मा गुल्मि जिल्लाको विकट गाविस रिमुवामा सञ्चालित दृष्तिविहीन बालबालिकाहरुका लागि सञ्चालित विद्यालयका लागि छानोको ब्यवस्था गर्‍यौं ।
सन् २०१५–२०१७, परियोजना र परोपकारका हिसावले विशेष रह्यो । विनाशकारी भुकम्पले नेपालमा पुर्‍याएको मानविय र भौतिक क्षतिमा थोरै भएपनि सहयोग गर्न सकिएकोमा एनआरएन फिनल्याण्ड गौरवान्वित छ । हामिले भुकम्पले क्षतिग्रस्त रामेछापको आँपचौर भिरपानी –३ स्थीत जन्मभूमि प्राथमिक विद्यालयको पुनर्निर्माणका लागि ६००० यूरो सहयोग गरेका छौ भने तत्काल राहत र उद्धार कार्यका लागि ३५००० यूरो संकालन गरि नेपाल पठाएका थियौं । सो विषम परिस्थीतिमा फिनल्याण्डमा बसोवास गर्ने नेपाली दाजुभाई दिदीबाहिनीले देखाउनु भएको उभुतपूर्व सहयोगभावका निम्ति एनआरएन फिनल्याण्ड कृतज्ञ छ ।
गैरआवसिय नेपाली संघ फिनल्याण्डको नयाँ कार्यसमिति चयन भएसंगै नयाँ कार्यकाल २०१७–२०१९ का लागि नयाँ कल्याणकारी परियोजना सञ्चालनका लागि हरेक पटक झैं यसपटक पनि प्रस्ताव आह्वान गरिएको छ । फिनल्याण्डमा बसोवास गर्नुहुने नेपाली र फिनल्याण्डबाट दिक्षित भई नेपालमै बसोवास गर्नुहुने नेपालीले परोपकार परियोजनाको प्रस्ताव पेश गर्न सक्नुहुनेछ । सन् २०१७ अगस्ट ३१ तरिक १७ बजे भित्र हामिसंग आईपुग्ने गरि परियोजना प्रस्ताव पेश गर्न हार्दिक आह्वान गरिन्छ ।
परियोजना प्रस्ताव तयार गरिंदा अवलम्वन गरिनुपर्ने मापदण्ड सहितको विस्तृत जानकारी प्राप्त गर्न  यो लिंकमा क्लीक गर्नुहोस् ।  NRNA Call for Proposal 

नेपालमा लगानि प्रवर्दनका विषयमा अन्तरक्रिया सम्पन्न

-चिरञ्जीवी चापागाईं

फिनल्याण्ड सरकार, परराष्ट्र मन्त्रालयको आयोजनामा नेपालमा लगानि प्रवर्धनका विषयमा विभिन्न क्षेत्रका सरोकारवालाहरुवीच अन्तरक्रिया कार्यक्रम सम्पन्न भएको छ । राजधानि हेलसिन्किमा सम्पन्न सो कार्यक्रममा एनआरएन फिनल्याण्डको नेपाल फिनल्याण्ड हातेमालो नेटवर्कले कसरि नेपाली र फिनिस ब्यवसायी तथा जनशक्तिविच पुलको काम गर्न सक्छ भन्ने विषयमा छलफल भएको थियो ।

परराष्ट्र मन्त्रालयका नेपाल, डेस्क प्रमुख सेबस्टियन गाहन्स्ट्रोमले सहजिकरण गरेको कार्यक्रममा एनआरएन फिनल्याण्डका अध्यक्ष बसन्त गौतमले एनआरएन फिनल्याण्डका गतिविधि, नेपाल फिनल्याण्ड हातेमालो नेटवर्कका उद्देश्य र लागानि प्रवर्धका सम्भावनाका विषयमा प्रश्तुति दिनुभएको थियो । प्रस्तुति माथि प्रतिक्रिया दिदै फिनिस प्रतिनिधिमण्डलका सदस्यहरुले एनआरएन फिनल्याण्डले हातेमालो नेटवर्क मार्फत लगानि तथा दक्ष जनशक्ति प्रवर्धनका क्षेत्रमा सुरु गरेको प्रयासको प्रसंसा गरेका थिए । कार्यक्रममा मन्त्रालयकि बरिष्ठ सल्लाहकार सिनिक्का आन्तिलाले अफ्रिकि क्षेत्रका आफ्ना अनुभवहरु प्रस्तुत गर्दै बजारीकरणमा केन्द्रित हुन सुझाव दिईन । कार्यक्रममा एक्सपोर्ट फिनल्याण्डकि कार्यक्रम संयोजक एलिना वासर््ताले नेपालमा लागानि प्रवर्धन गर्न आफ्नो संस्थाले अध्यायन गरिरहेका जानकारी दिइन ।


कार्यक्रममा फिनिस राजदुतावास काठ्माण्डौका सल्लाहकारद्वय डा. चुडामणि जोशि र ईन्द्रा गुरुङले नेपालमा लगानि गर्न सकिने क्षेत्रहरु र लगानिको वातावरणबारे धारणा राख्नुभयो । त्यास्तै एनआरएन फिनल्याण्डका आईसिसि प्रतिनिधि बालकृष्ण श्रेष्ठले नेपाल र फिनल्याण्डका उद्योग बाणिज्य संघहरुविचको सहकार्य महत्वपूर्ण हुने धारणा राख्दै आपसि भ्रमणको आवश्यकता औल्याउनुभयो । कार्यक्रममा नेपाली प्रतिनिधिमण्डका सदस्यहरुले नेपालको रणनितिक भू–अवस्थीति, नयाँ बजार र राजनितिक स्थायीत्वको संकेत आदीले सुरक्षित लगानिको वातावरण बनेको धारणा राखे ।
कार्यक्रममा फिनपार्टनरसिपका सहयोग संयोजक यान्ने पेन्तिला, फिनिस परराष्ट्र मन्त्रालयकि एसिया र अमेरिकि विभागकि बरिष्ठ विकास निति सल्लाहकार सान्ना ताकाला, एसिया र अमेरिकि क्षेत्रीय संयोजक पेत्रि वान्नेर, र मानवसहायता इकाईका उपनिर्देशक किम्मो लाउकानेन सहभागि थिए ।

गैर आवासिय नेपाली संघ फिनल्याण्डको पाँचौ साधारणसभा सम्पन्न

गैर आवासिय नेपाली संघ फिनल्याण्डको पाँचौ बार्षिक साधारणसभा सम्पन्न भएको छ । राजधानी हेलसिन्किस्थित हेर्तोनियमि चर्चमा सम्पन्न सभाले बसन्त गौतमको अध्यक्षतामा १५ सदसिय नयाँ कार्यसमिति निर्विरोध चयन गरेको हो । नयाँ कार्यसमितिले २०१७–२०१९ का लागि संस्थाका गतिविधिहरु सञ्चालन गर्ने छ ।
सुदिप भुषण अर्यालको सभापतित्वमा सम्पन्न सभाले निबर्तमान अध्यक्ष बालकृष्ण श्रेष्ठलाई गैरआवसिय नेपाल संघ अन्तराष्ट्रिय समन्वय समितिका लागि फिनल्याण्ड प्रतिनिधिको जिम्मेवारीका लागि प्रस्ताव गर्‍यो । नव निर्वाचित कार्यसमितिको उपाध्यक्षमा श्रवण खनाल र बिनिता लामिछाने चयन हुनुभएको छ । त्यसैगरि कार्यसमितिको महासचिवमा प्रतिष्ठा मिश्र, सचिवमा गोकर्ण खरेल र कोषाध्यक्षमा टेकेन्द्र तिम्सिना चयन हुनुभएको छ । तिम्सिनाले अघिल्लो कार्यकालमा समेत कोषाध्यक्षको जिम्मेवारी सम्हाल्नुभएको थियो । साधारणसभाले ममता थकालिलाई महिला प्रतिनिधि तोकेको छ । महिला प्रतिनिधि थकालिले एनआरएन महिला फोरम मार्फत महिलाहरुलाई संगठित गर्ने तथा एनआरएन फिनल्याण्डसंगको सहकार्यमा विभिन्न सामाजिक कार्यहरुको नेतृत्व गर्नुहुने छ । त्यसैगरि नारायण थापामगरलाई युवा संयोजकको जिम्मेवारी तोकेको छ । युवाहरुलाई सामाजिक कार्यहरुमा सरिक गराउन पहल गर्नु तथा खेलकुद गतिविधिहरुलाई संयोजन गर्नु संयोजक मगरको जिम्मेवारी रहनेछ । कार्यसमितिका सदस्यहरुमा गोपाल अर्याल, सुरेन्द्र अधिकारी, चिरञ्जीवी चापागाईं , अर्मन क्षेत्री, जानकि प्रसाद कोईराला, सान्तोष पन्त र प्रज्वल अर्याल निर्वाचित हुनुभएको छ ।
गैर आवासिय नेपाली संघ फिनल्याण्डका संस्थापक अध्यक्ष तथा निर्वाचन समितिका संयोजक डा.शम्भु प्रसाद शाहले नवनिर्वाचित सदस्यहरुको घोषणा गर्दै निर्वाचित कार्यसमितिलाई सफल कार्यकालका लागि शुभकामना ब्यक्त गर्नुभयो । निर्वाचन समितिका अन्य सदस्यहरुमा डा. भवानि चम्लागाई, विनास तिम्सिना, सुशिल गौतम र सरस्वती न्यौपाने हुनुहुन्थ्यो । गैरआवसिय नेपाल संघ अन्तराष्ट्रिय समन्वय समितिका सदस्य देविदत्त शर्माले निर्वाचनको पर्यवेक्षण गर्नुभएको थियो । सभामा निबर्तमान कार्यसमितिका सचिव भूवन पोखरेलले २०१५–२०१७ को कार्यप्रगति विवरण, अध्यक्ष बालकृष्ण श्रेष्ठले भावि कार्ययोजना तथा कोषाध्यक्ष टेकेन्द्र तिम्सिनाले आर्थिक प्रतिवेदनहरु पेश गर्नुभएको थियो । सभामा उपस्थित साधारण सदस्यहरुले संगठन, संस्थाका गतिविधि लगायतका विषयमा सुझावहरु दिएका थिए । सभाले संस्थाका आगामि निर्वाचनहरुमा एक जना महिला उपाध्यक्ष अनिवार्य हुने गरि ब्यवस्था गर्ने निर्णय पनि गरेको थियो । गैर आवासिय नेपाली संघ फिनल्याण्डले फिनल्याण्डमा रहेका नेपाली समुदायलाई लक्षीत गरि विभिन्न सामाजिक–सांकृतिक गतिविधि गर्नुका साथै नेपालमा समेत विभिन्न सामाजिक कार्यहरु गर्दै आएको छ ।

नयाँ कार्यसमितिका लागि उम्मेद्वारी आव्हान

एन.आर.एन.ए. फिनल्याण्डको नयाँ कार्यसमिति चयनका लागि निर्वाचन प्रकृया सुरु भएको छ। यसका लागि एक निर्वाचन समिति गठन गरि प्रकृया अघि बढाईएको हो। स्वतन्त्र व्यक्तित्वहरु डा. शम्भुप्रसाद साह, डा. भवानी चम्लागाई, शुशिल गौतम, बिनास तिम्सिना तथा सरस्वति न्यौपानेसमेतको ५ सदस्यीय निर्वाचन समितिले नयाँ कार्यसमितिका विभिन्न पदको लागि दरखास्त आव्हान गरेको छ। उम्मेद्वारी आव्हान, निर्वाचन आचारसंहिता तथा निवेदन फारम गरि ३ वटा दस्तावेज समितिले सार्वजनिक गरिसकेको छ। यहि जुन ३ हुने वार्षिक साधारण सभामा बिध्यमान समितिको वार्षिक कार्यविबरण तथा नयाँ कार्यसमितिको चयन समेत गरिनेछ। vote
१७ सदस्यीय एन.आर.एन.ए. कार्यकारी समितिको पदावधि २ वर्षको हुने गर्दछ। (बिद्यार्थी बाहेकको) जुनसुकै स्थायी भिषामा लगातार २ वर्ष फिनल्याण्डमा बसोबास गर्ने नेपाली मुलका व्यक्ति यसमा सहभागी हुन पाउने प्राबधान रहेको छ। यस सम्बन्धि थप जानकारी निर्वाचन समितिको फेसबुक पेजबाट पाउन सकिन्छ।
निर्वाचनसम्बन्धि विभिन्न दस्तावेज यहाँ उपलब्ध छ –
१. निर्वाचनसम्बन्धि सम्पूर्ण जानकारी एवं  उम्मेद्वारी आव्हानपत्र
२. उम्मेद्वारी दरखास्त फारम
३. निर्वाचन सम्बन्धि आचारसंहिता

पछिल्ला जानकारी एवं सोधपुछका लागि- निर्वाचन समितिको फेसबुक पेज

हेलसिन्कीमा ‘नेपाली भाषा तथा अभिव्यक्ती तालिम’

NRNA फिनल्याण्डले डिसेम्बर २०१६ देखि नेपालीभाषी बालबालिकालाई लक्षित गर्दै “नेपाली भाषा तथा अभिव्यक्ती तालिम” सन्चालन गर्दैछ। यो तालिम ७ देखि १७ वर्ष उमेर समूहलाई नि:शुल्क प्रदान गरिनेछ। बहुसाँस्कृतिक संस्थाहरुको सन्जाल Moniheli Ry को आर्थिक सहयोगमा सन्चालन हुने तालिम करिब ६ महिना चल्नेछ। 672672453-kids-clipart-black-and-white-border-clipart-panda-free-clipart-or5vte-clipart

फिनल्याण्डमा हुर्कंदै गरेको दोस्रो पुस्ताका नेपालीमाझ आफ्नो भाषा, कला तथा संस्कृतीको पहिचान जीवन्त राख्ने उद्देश्यका साथ यस कक्षा संचालन गर्न लागिएको हो। तालिममा नेपाली भाषागत ज्ञान, साँस्कृतिक परिचय, अभिव्यक्ती कला तथा व्यक्तित्व बिकास जस्ता बिषय समेटिनेछन।

नेपाली शिक्षकका लागि आबेदन #Vacancy

NRNA फिनल्याण्डले बहुसांस्कृतिक संस्थाहरुको संजाल ‘MONIHELI RY’  संगको सहकार्यमा फिनल्याण्डमा बसोबास गर्ने नेपाली बालबालिकाका निम्ति नेपाली भाषा कक्षा संचालन गर्दैछ|

Position: Nepali Language Teacher (3)
Part Time (4 hours a week)
Salary and other benefits : 12-13 €/hour (No other benefits ) 

Duration:
01.12.2016-31.05.2017 (Particular dates of class will be announced later)
Class size: 
Age Group 1: 7-12 years 15 students per group (4 groups)
Age Group 2: 13-17 years 15 students per group (2 groups)
One teacher will handle 2 groups

Responsibilities:

Teaches Nepali language to the Nepali children aged 7-17 years.
Pupils may be either beginners or intermediators in Nepali language. 
Grouping has to be done based on the assessment in the beginning of the program.
Organize other events that promote participants’ knowledge on Nepali culture and literature.
Do the final assessment at the end of the program.

Qualification expected:

Teachers must be of Nepali origin.
Fluent knowledge on Nepali language (grammar/literature)
Finnish Language at least B2.2
Knowledge on Finnish schooling methods.
Knowledge on audio-visual methods of teaching and learning.
Experiences on teaching in pre-school/primary level in Nepal/Finland, knowledge on other languages spoken in Nepal will achaten-suisse.com be considered as additional advantages.

Primary location: MONIHELI
Hermannin rantatie 12 B, Helsinki
[Others places under progress]

Selection criteria
Qualification assessment, interview, class observation
Application Deadline :
01.11.2016 5pm (Finnish Time)

Apply on-

info[at]nrna.fi

वार्षिक प्रतिवेदन प्रस्तुत

मन्तब्य राख्दै अध्यक्ष श्रेष्ठ

NRNA फिनल्याण्डको वार्षिक प्रतिवेदन यहि सेप्टेम्बर २५ मा साधारण सदस्यहरुबीच प्रस्तुत गरिएको छ। बर्षभरि आयोजना गरिएका कार्यक्रम र तिनका उपलब्धिका बारेमा प्रतिबेदन पस्तुत गर्नुका साथै भावी कार्यक्रमको बारेमा जानकारी दिईएको थियो। अध्यक्ष बालकृष्ण श्रेष्ठद्वारा स्वागत मन्तब्यबाट सुरु भएको उक्त बैठकमा महासचिब सिजन श्रेष्ठले बर्षभरिका कार्यक्रमको संक्षिप्त समीक्षा पेश गर्नुभएको थियो। महासचिब श्रेष्ठले संस्थाको वार्षिक प्रतिवेदन सम्पूर्ण साधारण सदस्यहरुलाई ईमेल मार्फत पठाईएको पनि जानकारी दिनुभएको थियो। भगिनी संस्था Women Forum का क्रियाकलापको बारेमा प्रतिज्ञा खनालले रिपोर्ट प्रस्तुत गर्नुभएको थियो। त्यसैगरि, कोषाध्यक्ष टेकेन्द्र तिम्सिनाद्वारा वर्षभरि भएका आर्थिक कारोबारहरुको प्रतिबेदन पेश गरिएको थियो।

फिनिश विदेश मन्त्रालय र फिनल्याण्डबाट नेपाल फर्किएका नेपालीबीच समन्वय र अन्य कार्यक्रमको बारेमा सदस्य बसन्त गौतमले प्रकाश पार्नुभएको थियो। भावी कार्यक्रमहरुका बारेमा छोटकरीमा जानकारी दिंदै सचिब भुवन पोखरेलले कार्यक्रमको अन्त्य गर्नुभएको थियो।
भेलामा NRN Finland का स्थापनाकालिन व्यक्तित्वहरु शम्भुप्रसाद साह तथा ब्योमा ताम्राकारको पनि उपस्थिति रहेको थियो। उक्त अवसरमा संस्थाको काम कारवाही तथा नीतिगत बिषयमा प्रतिक्रया र सुझाबहरु आदानप्रदान समेत भएको थियो।

श्री जन्मभूमि प्रा.बि.को पुनर्निर्माण सम्पन्न

रामेछाप जिल्लाको भीरपानी ३, आँपचौरस्थित श्री जन्मभूमि प्राथमिक बिद्यालयको पुनर्निर्माण सम्पन्न भएको छ| महाभूकम्पमा परि बिद्यालय पूर्ण रुपले भत्किएको थियो| NRNA फिनल्याण्डको संयोजकत्वमा सम्पूर्ण फिनल्याण्डबासि नेपालीको सहयोगमा संकलित रकमले उक्त पुनर्निर्माण सम्पन्न भएको हो| भवन acheterdufrance.com अभावमा बिध्यार्थीहरु खुला चौर तथा रुखको फेदमा पढ्न बाध्य थिए| स्थानीय स्रोतबाट चलेको उक्त बिद्यालयमा सरकारी तवरबाट निर्माण सहयोग प्राप्त नभएपछि बाह्य सहयोग जुटाउन पहल भएको थियो| NRNA फिनल्याण्डलाई प्राप्त थुप्रै प्रस्ताबहरुमध्य उक्त बिद्यालय निर्माणको प्रस्ताव बढी सान्दर्भिक देखिएकोले २०१५ का कार्यक्रमबाट उठेको रकम स्कुल निर्माणमा पठाउने निर्णय भएको थियो | ‘रन फर च्यारिटी’ नामक दौड प्रतियोगिताबाट उठेको रकममा केहि थप गरि कूल ६००० युरो बिद्यालय ब्यबस्थापन समितिलाई हस्तान्त्रण गरिएको थियो| received_10153451774101373

नवनिर्मित श्री जन्मभूमि प्रा.बि.

फिनल्याण्डबाट पठाईएको रकमका साथै ३० प्रतिशत जति स्थानीय जनश्रमदानबाट जुटाइएको निर्माण समितिका अध्यक्ष श्री छत्रबहादुर मोक्तानले जानकारी दिनुभयो| बिद्यालयका लागि काठ तथा अन्य फर्निचर सामुदायिक बन समितिबाट प्राप्त भएको थियो| बिध्यालय निर्माण केहि महिनाअघिनै सम्पन्न भएर पठनपाठन सुरु भएपनि औपचारिक उद्घाटन २०६२ श्रावणमा गरिएको थियो| उद्घाटन कार्यक्रममा NRNA फिनल्याण्डका अध्यक्ष श्री बालकृष्ण श्रेष्ठले निर्माण कार्य सोचेभन्दा धेरै छिटो सम्पन्न भएको र रकमको सहि सदुपयोग भएको भन्दै सन्तुष्टि व्यक्त गरेका थिए| निर्माण समिति अध्यक्ष श्री मोक्तानले सम्पूर्ण फिनल्याण्डबासि नेपालीलाई धन्यबाद ज्ञापन गरेका थिए| उद्घाटनको भिडियो क्लिप यहाँ हेर्न सकिन्छ- Ramechhap School project.

हरेक बर्ष निश्चित कार्यका लागि रकम जुटाउने उद्देश्यका सहित हेलसिन्कीमा मैत्रीपूर्ण दौड प्रतियोगिता आयोजना गरिंदै आएको छ| यस अघि ‘रन फर च्यारिटी’ नाम दिएर आयोजना गरिंदै आए पनि यस बर्षदेखि ‘रन फर नेपाल’ नाम दिएर अँझ बृहत बनाउन लागिएको हो| ‘रन फर नेपाल २०१६’ सम्बन्धि थप जानकारी हाम्रो फेसबुक इभेन्ट पेजमा पाउन सकिन्छ|

अप्रील १० मा ‘मह-यात्रा फिनल्याण्ड’

यहि अप्रिल १०, आइतबारका दिन गैरआबासीय नेपाली संघ राष्ट्रिय समन्वय परिषद फिन्ल्याण्डले मह जोडीको बिशेष प्रस्तुती सहित साँस्कृतिक कार्यक्रमको आयोजना गर्दैछ। मह जोडी लगायत अन्य ६ जना कलाकारहरुको प्रस्तुति रहने उक्त कार्यक्रम राजधानी हेलसिन्कीको ‘ग्लोरिया’ हलमा आयोजना हुन लागेको हो। नयाँ वर्ष २०७३ को अवसरमा मह-जोडीले फिनल्याण्ड लगायत युरोपका बिभिन्न मुलुकमा प्रस्तुति गर्दैछन। सोहि अवसरमा ‘मह-यात्रा फिनल्याण्ड’ तय गरि उक्त टोलीलाई हेलसिन्की आमन्त्रण गरिएको एन.आर.एन.ए ले जनाएको छ।
कला, संस्कृति र नेपालीपनलाई मायाँ गर्ने प्रबासी नेपालीको चाहना अनुरुप संघले बर्षैपिच्छे नेपालका ख्यातिप्राप्त कलाकार निम्त्याई कार्यक्रमहरु गर्ने गरेको छ। गत बर्ष यहि समयमा नायक राजेश हमाल, गायक बिबेक श्रेष्ठ तथा हिमाल सागरको टोलीले बिशेष प्रस्तुति दिएको थियो। हाल ‘मह यात्रा फिनल्याण्ड’ को टिकट धमाधम बिक्री भईरहेको तथा पारिवारिक/समूहगत रुपमा उपस्थित हुन चाहनेलाई बिशेष छुट पनि उपलब्ध गराइएको संघले जनाएको छ।
कार्यक्रमबाट संकलित रकम हाल संघको समन्वयमा जारी रहेको परोपकारी प्रोजेक्टमा खर्च गरिने जनाईएको छ। कार्यक्रममा नरेन्द्र acheter viagra en ligne en suisse कंसाकारको साथमा मह जोडीको रोमाञ्चक प्रहसन हुनेछ। प्रसिद्ध लोक तथा आधुनिक गायिका माण्डवी त्रिपाठी, व्यंग गायक यमन श्रेष्ठ तथा मोहित आचार्यको प्रस्तुति रहनेछ। कार्यक्रमका बारेमा थप जानकारी तथा पछिल्लो अपडेट NRNA इभेन्ट पेज ‘मह-यात्रा फिनल्याण्ड‘ मा हेर्न सकिनेछ।