नेपाली राजदुतावास डेनमार्कले गैर आवासीय नेपाली संघ फिनल्याण्डका सदस्य चिरञ्जीवी चापागाईंलाई फिनल्याण्डका लागि स्वयंसेवी प्रतिनिधि चयन गरेको छ । दुतावासबाट प्रदान गरिने सेवा सुविधाहरु लिन, जस्तै; पासपोर्टको फारम भर्न, आवश्यक कागजात तथा प्रकृयाहरुबारे थाहा पाउन तपाईंलाई कुनै सहयोग चाहिएमा चिरञ्जीवी चापागाईंलाई +358451405566 मा सम्पर्क गर्न सक्नुहुनेछ । स्वयंसेवी प्रतिनिधिले दुतावासका कुनै आधिकारीक काम गर्ने नभई सेवाग्राहीलाई सेवा लिंदा सजिलो होस, प्रकृया र विधि नपुगेर दोहोर्‍याएर काम गर्नु नपरोस भनेर निशुल्क सहयोग गर्ने मात्र हो । विशेष गरि पासपोर्टको फारम भर्दा धेरै समस्या भई दोहोर्‍याएर काम गर्नु परेका गुनासाहरु आउने गरेको हुनाले स्वयंसेवी प्रतिनिधिसंगै बसेर पनि फारम भर्न सक्नुहुनेछ , त्यसका लागि प्रतिनिधिलाई सम्पर्क गरि दुबैलाई मिल्ने समयमा भेट्न सक्नुहुनेछ ।
हामीलाई आशा छ यो कार्यले तपाईंहरुलाई दुतावासका सेवाहरु लिन सहज हुनेछ ।

गैर आवासीय नेपाली संघ फिनल्याण्डको २०१९-२०२१ को लागि नयाँ कार्यकारी समिति निमार्णका लागि निर्वाचन समितिले निर्वाचन घोषणा गरि विभिन्न पदहरुमा उम्मेद्वारि आह्वान गरेको छ । नयाँ कार्यसमितिको चयन विधि लगायत निर्वाचनसंग सम्वन्धित सम्पूर्ण जानकारी तलको डकुमेण्टबाट प्राप्त गर्न सकिनेछ । अध्यक्ष , दुई उपाध्यक्ष, महासचिव, कोषाध्यक्ष, सचिव, आईसीसी प्रतिनिधि, महिला फोरम संयोजक, युवा संयोजक र सदस्यहरका लागि इच्छुक एनआरएनए फिनल्याण्डका योग्य ब्यक्तिहरुले उम्मेद्वारि दिन सक्नेछन् । निर्वाचन आगामि अगष्ट ३१  मा हेलसिन्किमा अयोजना हुनेछ ।

साथै, एनआरएनए फिनल्याण्डको नयाँ कार्यसमितिको निर्वाचन सम्वन्धि सम्पूर्ण जानकारी र अपडेटहरु निर्वाचन समितिको फेसबुक पेज https://www.facebook.com/NRNA-Finland-election-2019-374316146762965/ बाट प्राप्त गर्न सकिनेछ । कृपया पेज फलो गरि सहज रुपमा जानकारी लिनुहोला ।

NRNA Election 2019 call for candidacy